Конституциялык палатанын бош турган үч сотунун орду үчүн сынак жарыяланганын "Азаттыкка" Сотторду тандоо кеңешинин ишине мониторинг жүргүзүп келаткан “Коомдук анализ институту” коомдук бирикмесинин директору Рита Карасартова билдирди.
Анын айтымында, Жогорку Сотко караштуу Сот департаменти арыздарды жана документтерди 10-февралга чейин кабыл алат.
Сынакка жаш курагы 40тан ашкан, юридикалык билими бар, иш стажы 15 жылдан кем эмес болгон, мамлекеттик жана расмий тилдерде эркин сүйлөй алган талапкерлер катыша алат. (ZMa)