Нью-Йорк шаарынын четинде поезд менен автоунаа кагылышып, алты адам каза болду. Кырсык 3-февраль кечинде болгон. Анда спорттук үлгүдөгү автоунаа калаанын түндүк тарабында темир жолдо өтүп баратканда кырсыкка кабылган.
Нью-Йорктун губернатору Эндрю Куомо кырсыктан автоунаанын айдоочусу жана поезддеги беш жүргүнчү каза болгонун, 15 адам жарат алганын кабарлады.