Бул тууралуу Ош облустук ички иштер башкармалыгынын басма сөз кызматы билдирди.
Маалыматка караганда, уурдалган адам "Асман-Тур" фирмасынын Руслан аттуу кызматкери. Аны акчасы менен уурдаган адамдар Араван районунун аймагына таштап кетишкен. Уурдалган адамдын акыбалы жакшы жана ал учурда сурак берип жатат.
27-декабрда артында "спецназ" деген жазуусу бар кара кийимчен, курал көтөргөн беш адам Ош аэропортунан Ош-Үрүмчү аба каттамына жүктөрдү даярдап жаткандарды сабап, алардын бирин уурдап кеткен. Тергөөдө уурдалган адамдын колундагы беш баштыкта 5 миллион 679 миң доллар болгону маалым болгон.