Жол кайгуул кызматынын башчысы Сергей Дьяченконун билдиришинче, соңку 11 айда жол кырсыгынан 897 киши каза болсо, алардын 111и балдар. Ал эми 10 миңден ашуун адам жараат алган. Өткөн жылы каза болгондордун саны 1129га жеткен.
Жол эрежесин бузгандардын басымдуу бөлүгүн машина айдоо тажрыйбасы 1 жылдан 5 жылга чейинки 18-26 жаштагылар түзөт.
Cтратегиялык изилдөөлөр улуттук институтунда декабрдын башында жол кырсыгы жана анын кесепеттери, аны азайтуу чаралары талкууланган. Анда бул көйгөй менен иштеген атайын орган болушу керектиги айтылган. (КЕ)