Белгилүү казак акыны жана жазуучусу Мухтар Шахановдун залкар жазуучу Чыңгыз Айтматовго арналган жаңы китебинин Бишкекте бет ачаары болду. “Чындык формуласы жана махабаттын Эверест чокусу” аттуу китепте Айтматовго арналган эскерүүлөр камтылган. Бул китеп азырынча орус жана азербайжан тилдеринде басылды. Жакында кыргыз, казак жана англис тилдеринде басылып чыкмакчы.
Эртең, 12-декабр Чыңгыз Айтматовдун туулган күнү. Бул күнгө карата Бишкекте бир катар эскерүү кечелери өтөт.(BkA)