2-8-декабрь аралыгында президент Алмазбек Атамбаевдин Сауд Арабия, Бириккен Араб Эмираттары жана Катар өлкөсүнө расмий сапары болот. Бул тууралуу президенттин маалымат кызматынан кабарлашты. Сапар алкагында Атамбаев аталган өлкөлөрдүн жогорку жетекчилиги менен жолугуп, саясый, соода-экономикалык жана маданий байланыштарды күчөтүү боюнча сүйлөшүүлөрдү өткөрөт.
Президент Атамбаевдин Сауд Арабияга, Бириккен Араб Эмираттарына жана Катарга расмий сапары өлкө тарыхында жогорку деңгээлдеги алгачкы сапар болмокчу. (BkA)