Бүткүл дүйнөлүк саламаттыкты сактоо уюмунун кабарлашынча, эпидемиянын очогу болгон Батыш Африка өлкөлөрүндөгү оор шарттардан улам эсеп жай жүрүп жатат.
Ал арада Дүйнөлүк Саламаттыкты сактоо уюму келерки айларда эболага каршы жаңы вакциналарды сыноодон өткөрө турганы белгилүү болду. Уюмдун өкүлү Мария Пауле Кайнинин маалымдашынча, эки вакцина коркунучтуу илдет чыккан Батыш Африкада январда сыналат. Калган үч вакцина оору катталган аймактан тыш жактарда 2015-жылдын баш ченинен тарта сынала баштайт. (ZMa)