Албаниянын премьер-министри Эди Рама 20-октябрда Белградга расмий сапарга барат. Бул Албаниянын өкмөт башчысынын 1948-жылдан бери Сербияга биринчи жолу баруусу. Визит маалында Сербиянын түштүгүндөгү Пресово аймагында жашаган албандардын акыбалы жөнүндө сүйлөшөрүн Албаниянын тышкы иштер министри Дитмир Бушати 3-октябрда бышыктады.
- Пресовонун 35 миң элинин 90 проценти албандар. Рама ошондой эле Белградды Сербиянын мурдагы провинциясы Косовону төбөлсүз мамлекет ирети таанууга да чакырат,- деп билдирди Бушати.
Косово 2008-жылы өзүн Сербиядан күнкорсуз деп жарыялаган.
Албаниянын Белгардга расмий визит менен барган акыркы лидери -коммунист-диктатор Энвер Кожо. Ал Югославиянын президенти Брос Тито менен кездешкен. Андан бир жыл өтпөй, 1949-жылы эки мамлекет арасындагы мамиле үзүлгөн.
Албания жана Сербия Европа Биримдигине талапкер макамын алышкан.