Жалал-Абад шаардык жаштар борборунун мүчөлөрү өздөрү иштеп жаткан имараттын жертөлөсүн ашар жолу менен бий залына ылайыкташтырып оңдоп жатышат. Борбордун өкүлү Ороз Абдылаев билдиргендей, бий студиясында каалоочуларга акысыз сабак өтүлөт. Оңдоп-түзөө иштерине калаанын активист жаштары жардамдашууда.
2011-жылдан бери иштеп жаткан Жалал-Абад жаштар борборунда тил курстары жана компьютер сабактары акысыз үйрөтүлөт. Каржылык көмөктү эл аралык уюмдар көрсөтөт. (SE)