ЮНИСЕФ жана “Роза Отунбаеванын демилгеси” коомдук фонду Баткен облусунун эң алыскы айылдарындагы балдар арасында китеп окууну жандандыруу иш-чараларын өткөрдү. Мында айылдык балдар үчүн Бишкектен барган атактуу адамдар ата-энелер менен чогуу жомок окуп беришти. Жомок окуган жылдыздардын арасында “Азаттыктын” тележурналисти Жанар Акаев да бар.
Демилгечилер “Жылдыздар бөбөктөргө китеп окуйт” кербени буга чейин өлкөнүнүн Чүй, Жалал-Абад, Талас облустарында болуп, балдар арасында китепке болгон кызыгуу артканын белгилешти. (JsA)