Бишкектеги Улуттук китепкананын түзүлгөнүнө 80 жыл толду. Буга карата бүгүн Токтогул Сатылганов атындагы Улуттук филармонияда иш-чара болуп өттү. Аземге бийлик өкүлдөрү, КМШнын Улуттук китепканаларынын жетекчилери, чыгармачыл интеллигенция өкүлдөрү катышты. Жыйын жүрүшүндө аталган китепканага улуу акын Алыкул Осмоновдун ысымын ыйгаруу маселеси да көтөрүлдү.
Китепкананын директору Жылдыз Бакашеванын айтымында, китепканада 90 тилдеги 6 миллионго жакын китеп сакталып турат.(BkA)