Бүгүн АКШда 11-сентябрь теракттарынын 13 жылдыгы белгиленүүдө. 2001-жылы ал күнү жанкечтилер жүргүнчү учактарды качырып, Нью-Йорктогу Соода борборунун эгиз мунараларын жана Пентагондун имаратын сүздүрүшкөн. Набыт болгон дээрлик үч миң кишинин урматына 11-сентябрь АКШда Патриот күнү катары белгиленип жүрөт. Мамлекеттик мекемелерде желектер жарым-жартылай түшүрүлдү. Жер-жерлерде эскерүү иш-чаралары өтмөкчү.
