Кытайдын чыгышында, Шанхай шаарынан анча алыс эмес жердеги заводдо болгон жарылуудан 68 адам өлдү, 100дөн ашуун киши жараат алды. Жарылуу Цзянсу провинциясында америкалык машинелер үчүн руль иштеп чыгарган заводдо бүгүн 2-августта эртең менен катталды.
Жарылуунун кулак тундурган үнү эки километр алыска чейин угулганы, майдаланган айнек бөлүктөрү заводдон 500 метр нары чачылганы айтылууда.
Алдын-ала маалыматтарга ылайык, кырсыкка өрт коопсуздугунун сакталбашы себеп болгон. Заводдун айрым жетекчилери кармалып, сурак берүүдө. (SE)