31-июлда Дүйшөмбү шаарында Шанхай кызматташтык уюмунун Тышкы иштер министрлер кеңешинин жыйыны өткөнү жатат. Анда мүчө мамлекет башчылардын жолугушуусунун күн тартиби талкууланат. Жыйынга Кыргызстандын Тышкы иштер министри Эрлан Абдылдаев катышат.
ТИМ тараткан маалыматка караганда ШКУ мамлекет башчыларынын Дүйшөмбү жолугушуусу сентябрь айында өтүп, анда аймактык жана эл аралык актуалдуу маселелер талкууланары болжолдонууда.