Оторбаев Шувалов менен Бажы биримдигине кошулууну талкуулады

Өкмөт башчы Жоомарт Оторбаев Санкт-Петербургда Орусиянын биринчи вице-премьер-министри Игорь Шувалов менен жолукту. Бул тууралуу өкмөттүн маалымат кызматынан кабарлашты. Маалыматка ылайык, жолугушууда Кыргызстандын Бажы биримдигине кошулгандан кийинки экономикалык маселелери талкууланды.

Оторбаев бүгүн Санкт-Петербургда өтүп жаткан экономикалык форумга катышуу үчүн барган.(BkA)