Бишкектеги Эне жана баланы коргоо боюнча Улуттук борбордун директору шайлоо жолу менен тандалганын уюштуруу комитетинен кабарлашты. Маалыматка ылайык, жетекчиликке үч талапкер: Мухтар Ашыралиев, Таалайбек Буйлашев жана Камчыбек Узакбаев ат салышкан. Натыйжада миңден ашык кызматкер иштеген борбордун жамаатынын 80 пайыз добушу менен Камчыбек Узакбаев кайрадан директор болуп шайланды.
