Оштун Кара-Суу районунда бир адам өрт кырсыгынан каза тапты. Өзгөчө кырдаалдар министрлигинен кабарлашкандай, райондогу Шарк айылында Беш-Капа көчөсүндө жайгашкан үйдө кечээ, 15-апрелде өрт чыккан. Кырсык болгон жерден 60 жаштагы Низамедин Гасировдун иске ууланган сөөгү табылган. Өрткө үй электр жабдуусун пайдалануудагы коопсуздук эрежеси сакталбай калганы себеп болгон деп болжолдонууда. Соңку суткада Кыргызстандын аймагында 9 өрт кырсыгы катталды. (BkA)
