Токтогул жана анын урпактары
Токтогул Сатылганов, 1928-жылкы фотосүрөт.
Токтогул Сатылганов Сибирден кайтып келгенден кийин 20 жаштагы Сейдимканга баш кошкон. Сүрөттө: Сейдимкан апа неберелери - Канышай, Күмүшай, Молдожан менен. 1950-60-жылдар.
Токтогул Сатылганов менен Сейдимкан экөөнүн уулу Бабажан. Ал да комуз чертип, улуттук филармонияда мыкты комузчулардан болгон.
Токтогулдун уулу - Бабажан.
Бабажан Токтогулов, келинчеги Күлиса жана балдары менен. Оңдо айылдаш туугандары. 1950-60-жылдар.
Бабажан Токтогулов да, ата жолун жолдоп, комузчу жана комузду мыкты чапкан уста да болуптур.
Гүлсара - Токтогулдун кызы. 1933-жылы атасы каза болгон соң, иниси Бабажан экөө Фрунзеде, интернатта жашап, окушуптур. Кийин, Ташкенттен Консерваторияны бүткөн, алгачкы интеллигент айымдардан болгон экен.
Гүлсара Токтогулованын документке түшкөн сүрөтү.
Бабажан Токтогулов талаадагы эмгекчилерге концерт берүү учурунда филармониядагы кесиптеши Гүлжан Сейиткулованы комуз менен коштоодо.
Токтогулдун небереси - Молдожан, Бабажандын уулу мектепте окуп жүргөн кезинде комузду мыкты чертип концерттерге чыкчу экен. Кийин сүрөтчүлүк кесипти аркалап кеткен.
Токтогулдун небереси - Молдожан алты жашында "Токтогул" операсында Топчубайдын ролун аткарып, анын кийимдери менен түшкөн сүрөт. 1960-жыл, опера-балет театры.
Гүлсаранын кызы. Апасы-кызы экөө (азыркы Токтогул-Орозбеков көчөлөрүнүн кесилишиндеги Токтогул адабият жана искусство музейи) үйдө от жаккан мештен көмүр иси уруп каза болушкан. 1960-жылдар.
Токтогулдун Токтобүбү деген бир тууган карындашы да болгон. Алдыда отурган экинчи аял - Гүлай, ошол Токтобүнүн кызы экен. Жанында Гүлайдын кыздары Гүлжан, Гүлсара (Токтогулдун кызынын урматына) Артта - Токтогулдун небереси - Медер.
Токтогулдун улуу небереси - Күмүшай Бабажанова кыздары Нурсулуу, Жанна менен.
Токтогулдун улуу небереси Молдожан Токтогулов келинчеги Жамила менен.
Токтогулдун небереси-Бабажандын кызы Канышай, өмүрлүк жолдошу Касымбек менен.
Токтогулдун кичүү небереси Медер Бабажанов, келинчеги Бактыгүл менен.
Бабажандын кичүү кызы, Токтогулдун дагы бир небереси - Чолпон, күйөөсү Жаныбек менен.
Токтогулдун чөбөрөлөрү, кыбыралары.