Ат-Башы: төрт түлүктүн ордосу

Мал базарда төө, топоздон тарта төрт түлүктүн бардык түрү сатылат.

Жылкы, уй, кой-эчки өзүнчө сатылат. Аларды Бишкектен бери келип алып кетишет. 

Бул жылкынын баасы үчүн ээси 70 миң сурап турат. Жылкынын баасы 20ден 90 миңге чейин.

Тай-торпокторду көбүнчө согумга алышат. 

Койлордун эң кымбаты 18 миң сомго чейин.

Эчки-улак сатып отурган бала. Эчкилер 5000 сомго чейин чыгат.

Топоздун баасы 50 миң сомдун тегерегинде. 

Малды саткан киши айыл өкмөттөн малдын ээси экенин тастыктаган документ алып келиши керек.

Алыскы айылдан келгендер бул унааларга жүктөп келишет. Бир бодону 500 сомго салышат. 

Бишкекке мындай жүздөгөн КамАЗдар кетет. Бодо малды 1000 сомдон жүктөшөт. 

Мал менен аралаш тамак-аш да сатыла берет.

Мал саткан киши байлап келген жибин өзүнө алып калышы керек. Бул абалтан келе жаткан ырым. Жүгөн-ноктосун кошо сатып ийсең мал жукпай калат дешет. Андыктан даяр малдын жаңы ээлери үчүн жаңы жүгөн-ноктолор сатылат. 

Мал базардан сары май, ич майдан өйдө табасыз.

Кышкысын отун издегендерге "тоо чөбүнөн" көң даярдап саткандар да бар. 

Ат-Башыдагы усталардын жыгачтан жасаган эмеректери.

Жергиликтүү уздар жасаган тебетей-тумактар.

Ат жабдыктары. Ээр токумдард 5 миңден 10 миң сомго чейин сатылат.

Жашылча-жемиштердин басымдуу бөлүгү Кытайдан ташылып келет.

Дары-дармектер минтип көчөдө эле сатылат.

Кардар тартуунун бир жолу. Ат-Башы кышкысын абдан суук болгондуктан келгендер ысык чай ичкени сөзсүз жылуу ашкана издешет.

Билети 40 сомдук базар-лото. Билет алып дароо ойносоң болот.

Арзан шуру-сөйкө саткан эже. 200 сомго алтын шакектин жасалмасын табасың.

Базарда араба түртүп акча тапкан балдар. Бул күнү 300 сомдой таап алышат.