Кечээ кечинде Тунис жана Сфакс шаарларында өткөн акцияга баш-аягы 6 миңдей адам катышты. Нааразылык митингине чыккандар исламчыл бийлик өлкөнүн башмыйзамында аялдардын укугун кемсинтип жатканын айтышып, 1956-жылдагы аялдар менен эркектердин укугу бирдей каралган мыйзамды күчүндө калтырууну талап кылышты. Ал мыйзам араб дүйнөсүндө көп аял алууга жана талак сөзүн үч ирет айтып туруп ажырашууга тыюу салган алгачкы мыйзам болчу.
