Чек ара Газа тилкесине кайтууну каалаган палестиналыктар үчүн ачылды. Ал арада египет армиясы исламист-согушчандарга каршы операция учурунда Израил жана Газа тилкеси менен чектеш аймактарга жакын айылдардан тогуз кишини камакка алды. Египеттин күч түзүмдөрү Синай жарым аралына да аскерлерди жөнөтүп жатат. Шаршемби күнү ал жерде 20 согушчан жок кылынган. Буга чейин Египеттеги Синай жарым аралында жашаган бедуиндердин лидерлери да аскер кызматына чек арадагы абалды жөнгө салууда жардам көрсөтөрүн билдиришкен.
