Украиналык атактуу футболчу Андрей Шевченко спорттук карьерасын токтотуп, Наталия Королевкая жетектеген “Украина-Алга” партиясынын курамына кирди. “Мен Европада алган тажрыйбамды өз өлкөмдө пайдалангым келет, мен тандаган партия жаштардын жана келечектин партиясы. Мен саясатка аралашып, көбүнесе социалдык тармакта, анан спорт жаатында иштейм”,-деди Шевченко. Өздөрүн президент Виктор Януковичтин бийлигине оппозициябыз деп эсептеген “Украина-Алга” партиясы август айында съездин өткөрүп, октябрда өтчү шайлоого камылга көрүп жатат.
