Борбордук мечитте Курани каримдин кыргыз тилиндеги алгачкы түшүндүрмө котормосунун биринчи тому жарык көрдү. Муфтияттын басма сөз кызматынан кабарлашкандай, котормо 6 томдон турат. Жаңы китептин автору Бишкек шаарынын казысы Максат ажы Токтомушев, ал эми редактору муфтий Чубак ажы Жалилов. Китепте Курандын аяттарынын маани-маңызы, аяттардын түшүү мезгили, себептери, максаты изилденип, аныкталып жазылды. Анын биринчи тому Курандын алгачкы төрт сүрөөсүн (аль-Фатиха, аль-Бакара, Аалу Имран жана ан-Ниса) камтыйт. (КЕ/RK)
