Сириянын Алеппо провинциясында соңку атышууларда Дарат-Аззах деген бир эле айылда 25 адам атылганы тууралуу кабар түштү. Адамдардын өлүмүн күбөлөндүргөн видео-тасманы бүгүн баш-кеңсеси Лондондогу сириялык оппозициячыл адам укугун коргоочу активисттер таркатышты. Өлгөндөрдү ал активисттер өкмөттү колдогон “Шаббиха” козголоңчулар тобунун өкүлдөрү деп сүрөттөштү. Мамлекеттик телеканал болсо Дарат-Аззахтагы 25 адамды “куралчан террористтер” өлтүрдү деп кабарлады.
