Быйыл 1-апрелден 15-майга чейин нөшөр жаандан пайда болгон сел Ош, Жалал-Абад жана Баткен облустарындагы 121 турак жайды жарактан чыгарды. Бул тууралуу Өзгөчө кырдаалдар министрлигинин маалымат катчысы Абдишарип Бекилов кабарлады. Дагы 131 турак жай толук оңдоого муктаж. Жалпысынан Жалал-Абад облусунан 114 турак жай, Баткенден 165 жана Ош облусунан 39 турак жай ээлери узак мөөнөттүү ссуда алуучулардын тизмесине сунушталды. (RK)
