Эл аралык Кылмыш сотунун башкы прокурору Ливиянын маркум жол башчысы Муамар Каддафинин баласы жалдаган баш кесерлер кишилерди өлтүргөн деп ырастады. Бирок Луис Морено-Окампо буга кандай далил бар экендигин айтуудан баш тартты. Кылмыш соту Ливиядан бир кезде Каддафинин орун басат деп саналган Саиф ал-Ислам Каддафини чыгарып берүүнү талап кылууда. Ал былтыр Каддафинин режими кулагандан кийинки ички согуштун мезгилинде туткундалган.
