Борборбук шайлоо комиссиясы Токмок шаардык кеңешине 4-мартта өткөн шайлоонун жыйынтыгын чыгарды. №№7069, 7075, 7076, 7080 шайлоо участокторундагы добуш берүүнүн жыйынтыгы жараксыз делди. Шаар кеңештеги 31 мандаттын сегизи "Республика" партиясынын талапкерлерине тийди, "Биримдик" партиясы беш, "За наш город" шайлоочулар тобу төрт, социал-демократтар үч, "Акшумкар" партиясы эки, "Ар-Намыс" жана "Ата Мекен" партиялары бирден орунга ээ болушту. Дагы жети партия жана шайлоочулар тобуна бирден мандат тийди. Бул тууралуу "Азаттыкка" Боршайком мүчөсү Рашид Бекбасаров билдирди. (RK)
