Баткен облусундагы тажик мектептер үчүн кыргыз тарыхын окуткан китептерди тажик тилине которгон адистер жок болууда. Бул тууралуу бүгүн Жогорку Кеңештеги "Республика" фракциясынын жыйынында билим берүү жана илим министринин орун басары Гүлжигит Сооронкулов айтты. Анын маалыматына караганда, учурда Баткенде окуу тажик тилинде жүргүзүлгөн алты мектеп бар. Аларда 2 700 бала окуйт. Фракция лидери Канатбек Исаевдин айтымында, ошол мектептерде кыргыз улутундагы балдар да окушат. Кыргызстан тиешелүү адабият менен камсыз кылбагандыктан, ал жерде балдар Тажикстанда жаңы басылып чыккан тажик тарыхы, адабияты боюнча китептерден окушат. (RK)
