Бүгүн жыйырмага чукул күч түзүмдөрүнүн ардагерлери Бишкектеги Ак үйдүн алдына митингге чыгып, каржы министри Акылбек Жапаровдун кызматтан кетишин талап кылышууда. Ага катышкан "Татыктуу жашоо жана катарыбыздын тазалыгы үчүн" деп аталган демилгелүү топтун жетекчиси, полковник Анвар Сартаевдин “Азаттыкка” билдиришинче, ардагерлер каржы министринин "бул жылы ардагерлерге кошумча акы төлөнбөйт" деген билдирүүсүнө нааразы болушууда.
Бул маселе боюнча бүгүн Каржы министрлигинин өкүлдөрү Бишкекте маалымат жыйынын өткөрүп, расмий жооп бергени жатышат. 29-февралда министр Акылбек Жапаров бул жылы айлык акыларды көтөрүүгө каражат жетишсиздигин белгилеген. (KKs)
Бул маселе боюнча бүгүн Каржы министрлигинин өкүлдөрү Бишкекте маалымат жыйынын өткөрүп, расмий жооп бергени жатышат. 29-февралда министр Акылбек Жапаров бул жылы айлык акыларды көтөрүүгө каражат жетишсиздигин белгилеген. (KKs)