Казакстандын Жаңы-Өзөн шаарында былтыр декабрда болгон кандуу кагылышууда элге ок аткан деп үч полициячы жоопко тартылат. Башкы прокурор Аскат Доолбаевдин шаршемби күнү маалымдашынча, жумушчуларды иш таштоого түрткөн үчүн оппозициячыл үч саясатчы да сот алдында жооп берет. Жаңы-Өзөндүн мунай кендеринин маяналарын көбөйтүүнү талап кылган жумушчулардын нааразылык акциясы учурунда полиция менен болгон кагылышта кеминде 16 киши набыт болгон. Жумушчулардын шаардын борбордук аянтындагы акциясы былтыр май айында башталган болчу.
