Мурда "Руханият" партиясын жетектеген Серикжан Мамбеталин Казакстандан өткөн аптада чыгып кеткенин, жакын арада мекенине кайтып келүүгө ниети жоктугун "Азаттыкка" билдирди. "Руханият" партиясы өткөн айдагы Жаңы-Өзөн шаарында иш таштаган мунайчыларга ок аткандыгы үчүн бийликтерди катуу сындап чыккан. Өткөн күндөрү Жаңы-Өзөндөгү окуяларга тиешеси бар деген шек менен бир нече оппозиция өкүлдөрү жана бир журналист камакка алынды.
