Быйыл Кыргызстанда маңзат мурдагы жылдагыдан 23 эсеге көп кармалды. Бул тууралуу 28-декабрда Маңзаттарды көзөмөлдөө кызматынын башчысы Виталий Орозалиев билдирди. Баңги даярдала турган заттардан 34 тонна кармалды. Кыргызстанда баңги бизнесине аралашкан 80дей топ бар экени, Баткенде баңги заттары өтүүчү 5 жер көзөмөлгө алына электиги айтылды. Ошондуктан Маңзаттарды көзөмөлдөө кызматы Баткенде өз өкүлчүлүгүн ачууда. (EBM/RK)
