Маркум Вацлав Гавелдин сөөгү салынган табыт бүгүн Праганын көчөлөрү аркылуу алынып өтүлгөндө, аны миңдеген адам коштоп жүрдү. Мурдагы президентти акыркы сапарга узатуу 23-декабрга белгиленди. Ага чейин Гавелдин сөөгү салынган табыт чех президенттеринин резиденциясы – Прага сепилинде турат. Бүгүн Чехияда үч күндүк улуттук аза күтүү башталды.
Вацлав Гавел 76 жаш курагында ушул жекшембиде дүйнөдөн өткөн. Драматург жана мурдагы диссидент Чехословакиянын президенти болуп алгач 1989-жылы, коммунисттик бийликтин кулашына алып келген “баркыт ыңкылабынан” кийин шайланган. 1993-2003-жылдардын аралыгында ал Чех республикасынын президенти болгон.
Гавелди мамлекеттик сый-урмат менен акыркы сапарга узатуу зыйнатына бир катар чет өлкөлүк саясатчылар, анын ичинде Словакия, Австрия, Франция президенттери, АКШнын Мамлекеттик катчысы катышары күтүлүүдө.
Вацлав Гавел 76 жаш курагында ушул жекшембиде дүйнөдөн өткөн. Драматург жана мурдагы диссидент Чехословакиянын президенти болуп алгач 1989-жылы, коммунисттик бийликтин кулашына алып келген “баркыт ыңкылабынан” кийин шайланган. 1993-2003-жылдардын аралыгында ал Чех республикасынын президенти болгон.
Гавелди мамлекеттик сый-урмат менен акыркы сапарга узатуу зыйнатына бир катар чет өлкөлүк саясатчылар, анын ичинде Словакия, Австрия, Франция президенттери, АКШнын Мамлекеттик катчысы катышары күтүлүүдө.