Улуттар уюмунун Кыйноолорго каршы комитети бүгүн билдиргендей, аларда Сирияда жаш балдар камалып, айрымдары түрмөдө ур-токмокко кабылганы, денесине залака келтирилгени тууралуу кабарлар бар. Иликтөөчүлөрдүн тобунун башчысы Клаудио Гроссман айтканына караганда, комитет адам укуктары орой бузулган учурлар такай уланып жатканы жөнүндө көптөгөн фактыларды таба алган. "Алардын ичинде, өзгөчө, жаш балдар камакта көргөн зордук тынчсыздантат", - деди Гроссман.
