Ош облусунда быйылкы жылдын 9 айында диний экстремизмге байланышкан 30 кылмыш иши катталган. Бул тууралуу облустук ички иштер башкармалыгынын 10-бөлүмүнүн башчысы Жакып Зулпуев билдирди деп кабарлайт Оштон кабарчыбыз Эрнист Нурматов. Козголгон кылмыш иштеринин 22синин бети ачылып, "Хизб ут-Тахрир" уюмунун мүчөсү деп шектелген 23 киши кармалган. Бул сан өткөн жылга салыштырмалуу 3 эсеге көп. 2010-жылы Ош облусунда диний экстремисттик уюмдарга байланышкан 10 гана факт катталган. (ErN)
