Оштун Кара-Суу районунун айрым айылдарында эл пикирин билүү боюнча сурамжылоо башталды. Бул тууралуу "Адам укуктары боюнча эдвокаси борбор" маалымдайт. Жакын арада сурамжылоо Шарк жана Кызыл-Кыштак айылдарында болот. Ал эми Мады айылынын тургундары катышкан сурамжылоонун жыйынтыктары атайын өткөрүлгөн тегерек үстөлдө жарыяланды. Сурамжылоого 35-60 жаштагы 73 аял жана 17 эркек катышкан. Алардын 24 пайызы коррупцияны, 22% - мыйзамсыз камоолорду, 20% - соттордун акыйкатсыздыгын, 15% - этникалык жактан кемсинтүүнү жана 8 пайызы дискриминацияны негизги проблема деп аташкан. (RK)
