Бул тууралуу Улуттук коопсуздук боюнча мамлекеттик комитеттин алдындагы Чек ара кызматынын кол башчысы Закир Тиленов 28-сентябрда Жогорку Кеңештин “Ар-намыс” фракциясынын жыйынында билдирди. Анын айтымында, үстүбүздөгү жылдын тогуз айында чек араларда 35 факт катталган. Тиленов чек арага жаңы бекеттерди куруп, жаңжал орун алган жерлерде чек араны тосконго 2 млрд. 138 млн. сом керек экенин, суралган каражаттын 40% гана бөлүнгөнүн кошумчалады. (КЕ)
