Өткөн жума күнү башкалаа Ослодо бомба жардырып, көп узабай андан анча алыс эмес аралда адамдарды туш келди аткылап өлтүргөн Андерс Беринг Брейвик экинчи ирет сурак берип жатат. Тергөөчүлөр баарынан башкысы Брейвик кооптуу кылмышты жалгыздап жасадыбы, же анын артында экстремисттер уюму турабы деген суроого жооп издеп жатканын айтышат. Ал тапта Ослодо Брейвиктин кол салуусунан каза тапкан 18 жаштагы ирактык келиндин сөөгү жерге берилди.
