Насыялык рейтинг агенттиги Муудис кайрадан Грекиянын рейтингин үч баскычка төмөндөттү. Агенттик Европа Биримдигинин Грекияны колдоо боюнча жаңы жардам программасы жеке карыз берүүчүлөрдү «олуттуу» жоготууга кириптер кылаарын белгиледи жана «Грекиянын дефолт болушунда, же алган карыздары боюнча үстөк пайыздарын төлөй албайт деп жарыяланышында шек жок» деп айтылган билдирүү таркатты. Агенттик ошол эле мезгилде жаңы чаралар келечекте экономиканын турукташтыруусуна жана карыз оорчулугун жеңилдетүүгө шарт түзүшү мүмкүн экендигин белгиледи.
