Бул тууралуу Чукул кырдаалдар министрлигинин басма сөз кызматынан кабарлашты. Маалыматка ылайык, бүгүн түнү болгон жер силкинүүнүн натыйжасында Баткендин Кадамжай районундагы Кадамжай, Пүлгөн, Тамаша, Кызыл-Булак, Халмион, Охна жана Яркутан айылдарында электр жарыгы үзгүлтүккө учурады. Буга жер титирөө учурунда 110кВт жогорку чыңалуудагы “Металург” подстанциясындагы трансформатордун релстен чыгып кетип, кыйшайып, майы агып кетиши себеп болгон.
19-июлдан 20-июлга оогон түнү саат 1:35те Баткен аймагында жер титирөө катталып, анын очогу облустагы Совет айыл округунда 7-8 баллга жетти. Айдаркен шаарчасында 7 балл, Баткен шаарында 6 балл, Кызыл-Кыя, Ноокат шаарларында 5,5 балл, Ош шаарында 5 баллды түздү. Жалал-Абат облусунун Таш-Көмүр шаарында 3-4 балл, Бишкекте 2-3 баллдык күчү байкалды. Силкинүү ошол эле түнү саат 2:46 жогорку аймактарда кайталанып, Совет айыл округунда 2 баллды түздү. Алдын ала алынган маалыматтар боюнча адам өмүрүнө зыян келген фактылар азырынча катталган жок.
Чукул кырдаалдар министрлиги ушул тапта атайын түзүлгөн топ кырсыктын кесепетин иликтеп жатканын билдирүүдө. (KKs)
19-июлдан 20-июлга оогон түнү саат 1:35те Баткен аймагында жер титирөө катталып, анын очогу облустагы Совет айыл округунда 7-8 баллга жетти. Айдаркен шаарчасында 7 балл, Баткен шаарында 6 балл, Кызыл-Кыя, Ноокат шаарларында 5,5 балл, Ош шаарында 5 баллды түздү. Жалал-Абат облусунун Таш-Көмүр шаарында 3-4 балл, Бишкекте 2-3 баллдык күчү байкалды. Силкинүү ошол эле түнү саат 2:46 жогорку аймактарда кайталанып, Совет айыл округунда 2 баллды түздү. Алдын ала алынган маалыматтар боюнча адам өмүрүнө зыян келген фактылар азырынча катталган жок.
Чукул кырдаалдар министрлиги ушул тапта атайын түзүлгөн топ кырсыктын кесепетин иликтеп жатканын билдирүүдө. (KKs)