Москвадан Петарозаводск шаарына бараткан Ту-134 учагы чукул конууга мажбур болуп, кырсыкка учурады. Россиянын чукул крыдаалдар министрлиги маалымдаганына караганда, 44 киши каза болду, 8 киши оор абалда ооруканага жеткирилди. «Русаэро» компаниясына таандык учак аэродромго 2 километр калганда кара жолго конууга аргасыз болгон. Жерге катуу тийгенде анын фюзелляжы кыйрап, учак күйө баштаган. Кырсыктын себептери иликтенүүдө.
