Усама бин Ладен америкалыктарды Жакынкы Чыгыштан чыгарыш үчүн 2001-жылдын 11-сентябрындагыдай теракт жасаш керек деген. Бул тууралуу ушу тапта бин Ладендин күндөлүгүн жана жеке кагаздарын анализдеп жаткан америкалык расмий жетекчиликтен билдиришти. “Ал-Каиданын” лидерин 2-майда Пакистанда америкалык аскерлер өлтүрүшкөн. Ошондо анын үйүнөн беш компьютер, 100 жакын диск жана бин Ладендин өзүнүн колу менен жазылган күндөлүк табылганы айтылууда.
