Энергетика министри Аскарбек Шадиев бүгүн маалымат жыйында Камбар-Ата-2 ГЭСин куруу боюнча Орусия менен түзүлгөн келишимди ишке ашыруу кайра жанданганын билдирди. Макулдашуунун баштапкы шарттарына ылайык, 1 миллард 700 миллион доллар эмес, инвестициялык каражатты 4 миллиард долларга чейин көбөйтүү жагы каралып жатканын айтты. Министр келишимди ишке ашыруу шарттарын жана мөөнөтүн аныктоо максатында жакында Орусиядан атайын делегация келерин маалымдады.
Камбар-Ата-2 ГЭСин куруу боюнча келишимге 2009-жылы 3-февралда мурунку президент Курманбек Бакиевдин Орусияга жасаган сапары учурунда кол коюлган. Бирок эки өлкөнүн ортосундагы мамилелердин соолгундап кеткенине байланыштуу каражат берилбей келген болчу. (EBM)
Камбар-Ата-2 ГЭСин куруу боюнча келишимге 2009-жылы 3-февралда мурунку президент Курманбек Бакиевдин Орусияга жасаган сапары учурунда кол коюлган. Бирок эки өлкөнүн ортосундагы мамилелердин соолгундап кеткенине байланыштуу каражат берилбей келген болчу. (EBM)