Ички иштер министринин орун басары Мелис Турганбаев “Азаттыктын” “Интернет эрөөл” түз жыйынында окурмандардын суроолоруна жооп берип жатып, кылмыш дүйнөсүнүн лидери атыккан Камчы Көлбаевге издөө жарыяланганын билдирди. ИИМде Көлбаев кайсы жерде жүргөнү тууралуу маалымат бар экенин, бирок бул жашыруун маалымат болгондуктан ачык айтылбасын белгиледи. Уюшма кылмыш топтордун айрым мүчөлөрү Дубайга, Москвага качканын, аларды кармоо боюнча мамлекеттик деңгээлде иш жүргүзүлүп жатканын маалымдады. Азыр Кыргызстанда күч органдары уюшма кылмыш топторго каршы иш-чараларды жүргүзүп жатышат. (EBM)
