Өкмөттүн басма сөз кызматынан маалымдашкандай, жалпы 317-километрге созулган Тараз-Талас-Суусамыр жолунун 118-километрин оңдоп чыгууга каражат жок. Аталган каттамдын 199-километри 2012-жылга чейин Ислам Өнүктүрүү Банкы бөлө турган 25,4 миллион доллардын эсебинен оңдоп түзөлмөкчү. Тараз-Талас-Суусамыр жолу эл аралык маанидеги жол катары сыпатталып, Кыргызстандагы жол тармагынын негизги түйүндөрүнүн бири болуп саналат. (KKs)
