"Азаттыктан” Баткенде Айгүл Тоо коругун түзүү демилгеси мамлекет тарабынан колдоого алынбай жатканы тууралуу макала обого чыккан соң ЖК депутаты Камила Талиева Баткен облустук акимчилиги жана аталган баяндын автору менен байланышып, тийиштүү документтерди сурап кайрылды. Депутат жоголуу коркунучундагы Айгүл гүлүн сактап калуу максатында бул маселени парламент жыйынына алып чыгаарын билдирди. Облус акимчилигинен болсо дүйнөдө сейрек кездешүүчу өсүмүктөрдүн сабында “Кызыл китепке” кирген Айгүл гүлү өскөн жерди коруктоо үчүн тиешелүү кагаздар даярдалып жатканын кабарлашты.
