Айыл чарба министри Төрөгул Беков Жогорку Кеңештин бүгүнкү жыйынында берген маалыматы боюнча, 2011-жылы Кыргызстанда кумшекердин баасы көтөрүлөт. Анын айтымында, Түштүк Америкада болгон селден улам ал өлкөлөрдөн импорттоло турган кумшекердин көлөмү азайышы мүмкүн. Мындан улам 2011-жылы кант кызылчасын былтыркы жылга салыштырмалуу эки эсеге көбүрөөк айдоо пландалууда. Өткөн жылы Кыргызстанда кант кызылчасы эгилген айдоо аянты 8,4 миң гектарды түзсө, 2011-жылы бул аянтты 17, 3 миң гектарга чейин көбөйтүү аракеттери жүрүп жатат. (KKs)
