Түштүк Кыргызстандагы Ош облусуна караштуу Кара-Суу шаарындагы борбордук ас-Сарахси жамы мечитинин имамы Рашод кары Камалов өзбекстандык эки жарандын арызы боюнча Бишкекте кармалды. Бул тууралуу Бишкек шаардык ИИБнүн басмасөз кызматынын өкүлү «Азаттыкка» билдирди.
«2009-жылдын 15-ноябрында эки өзбек жаранына Сауд Аравиясына виза ачып берем деп бир кыргызстандык атуул алардан 6300 доллар алдап алган. Бул факт боюнча Бишкек шаардык ИИБнүн тергөө башкармалыгы Кылмыш-жаза кодексинин 166-беренеси «көз бойомочулук» боюнча иш ачкан. Атайын оперативдүү издөө иштеринин натыйжасында кылмышка шектүү делген адам кармалды. Ал Ош облусунун Кара-Суу шаарынын тургуну Рашод Камалов болуп чыкты», деп айтылат Бишкек шаардык милициясынын маалыматында.
2011-жылдын 18-январында Бишкек шаарынын Свердлов райондук милиция кызматкерлери диниятчы Р.Камаловду «Манас» эл аралык аба майданында кармаган. 19-январда Бишкек шаарынын Свердлов райондук соту Р.Камаловду камакта кармоого чечим чыгарып, учурда ага каршы коюлган доо боюнча тергеп-тескөө иштери жүрүүдө.
Ушул саатка карата Камаловдун коргоочусу же башка өкүлү менен байланышууга мүмкүн болбоду. Бейшемби күнү анын иниси "Азаттыкка" агасынын кыска сурактан соң кайра койо берилгендиги тууралуу айткан. (GA)
«2009-жылдын 15-ноябрында эки өзбек жаранына Сауд Аравиясына виза ачып берем деп бир кыргызстандык атуул алардан 6300 доллар алдап алган. Бул факт боюнча Бишкек шаардык ИИБнүн тергөө башкармалыгы Кылмыш-жаза кодексинин 166-беренеси «көз бойомочулук» боюнча иш ачкан. Атайын оперативдүү издөө иштеринин натыйжасында кылмышка шектүү делген адам кармалды. Ал Ош облусунун Кара-Суу шаарынын тургуну Рашод Камалов болуп чыкты», деп айтылат Бишкек шаардык милициясынын маалыматында.
2011-жылдын 18-январында Бишкек шаарынын Свердлов райондук милиция кызматкерлери диниятчы Р.Камаловду «Манас» эл аралык аба майданында кармаган. 19-январда Бишкек шаарынын Свердлов райондук соту Р.Камаловду камакта кармоого чечим чыгарып, учурда ага каршы коюлган доо боюнча тергеп-тескөө иштери жүрүүдө.
Ушул саатка карата Камаловдун коргоочусу же башка өкүлү менен байланышууга мүмкүн болбоду. Бейшемби күнү анын иниси "Азаттыкка" агасынын кыска сурактан соң кайра койо берилгендиги тууралуу айткан. (GA)