Балтика чөлкөмүнүн 1,3 миллион калкы бар бул өлкөсү евроаймакка эртең, 1-январдан тарта кошулат жана бирдиктүү акчаны кабыл алган 17-өлкө болот. Эстон өкмөтүнүн көз карашында бул кадам, инвесторлор үчүн оң белги берет жана Евробиримдиктин башка мамлекеттери менен бизнес жүргүзүүнү жеңилдетет. Бирок Эстония евроаймакка Греция жана Ирландия сыяктуу өлкөлөрдө карыз кризистеринин улам евронун туруму олку-солку болуп турганда кошулууда. Андыктан бул кадамды өлкө калкынын жарымы эле колдойт экен. Эстония мурдагы коммунисттик блоктун евроаймакка кошулган үчүнчү өлкөсү болууда. Ага чейин 2007 –жылы Словения, 2009-жылы Словакия кирген.
