Техастагы Остин шаарындагы соттун калыстар тобу республикачылардын конгресстин өкүлдөр палатасындагы мурдагы лидери Том Делэйди "акча адалдаган" жана кылмыштуу топтор менен жең ичинен кызматташкан деп тапты. Соттун өкүмү 20-декабрда чыгарылат. 63 жаштагы Делэй беш жылдан 99 жылга чейин түрмөгө кесилиши мүмкүн. Ал 1984-жылдан 2006-жылга чейин өкүлдөр палатасынын мүчөсү, 2000-жылдардын ортосунда республикачыл көпчүлүктүн лидери болгон. Тергөө органдары ырасташкандай, 2002-жылы Техастагы шайлоодо партиянын фондусуна берилген адиепулдан 190 миң долларды мыйзамсыз пайдаланган. Округдун прокурору Розмари Лемберг: "Бул иш Техастын шайлоочуларынан мамлекеттик кызматчыларга жолдонгон эскертүү болду – алар жарандарын таламдарын коргоо үчүн шайланат жана муну ак, адал аткарышы керек",-деп билдирди.
